Ka zinna Ram

He Leiah hian zawng khualzin mai kan ni, cham len tur kan nilo, kan tum ram nuamah, he kan leinun a ral hunin ka la kal thuai dawn si a, Chumi hmuna lut thei tur erawh chuan kan Nitin nun kan uluk a ngai ve thung lawi si.

Zoram hmun hrang hrang fan ve ka nel ta nual a, ka camera Nikon D90 nen erawh hi chuan kan la zin dun tlem hle in ka hria, DSLR Camera ka neih hmasak ber Canon 550D nen kha chuan North Vanlaiphai te, Lunglei te etc.. kan zin tlang ve neuh neuh a, Ka Duatpuia ( Nikon D90 )nen tak hi chuan Sangau mai hi ni awm e a kan zin dun, mahse heimi tum ka zin zet hi chu, ka damlo nen Ka Duatpuia ka awmna ah awm ve ngul reng mai, Damlo chunga zin kha ka ni ve a, Kei leh Ka Duatpuia chuan sangau tanga han haw a, engmah, eng thlalak mah han hawn lo erawh kan hreh ve si, ka haw dawn tep ah, Phawngpui Tlang lam Road ah kan tei dun a, Chumi zingah te chuan helai kawn lai te hi a Boruak a thianghlimin, Thlifim dam deuh mai a thaw heuh heuh a, Khawthlir min hliahtu tlang leh thing an awm lo bawk nen, Khawthlir a nuam ngei mai ( Romei a tam deuh tih mai loh chu ) Sentetfiak lam khaw kawng ani nghe nghe , a tlangpang thla ah te hian Sangau lam pangin Thlai chin nan an hmang a niang, Chul niawm takin Thlam te a awm ve reuhva, Ramhnuai rim a nam chal maia, Boruak a thianghlim nen, Thli thaw lah a tawk chauhin nem takin a thaw heuh heuh bawk nen, Ka duh aia rei ka din reng phah nghe nghe, Hetianga Boruak dai dam dap, leh thianghlim hip tur hi ka hmu khat em a, kan am ve deuh a ni. Tlema phei deuhva kawngchhuk lo intan awmna bul a hawi let a , han et let te hian, Rilru ah, "Ka zinkhawng" tih a lam ruai mai. Ni ve pah bawk renga, ka zin kawng chu, mahse hemi kawng hi chu , ka zinkawnga ka lenna kawng a ni zawk mah e, Ka damloh vangin phawngpui tlang ka lawn ta lo, Kei leh Ka Duatpui'an ( Nikon D90 ) pawi kan ti, dam tein kan awm anga, Favang boruak ah dam tak in kal leh ngei chu kan tum ve leh a.